كيفية اختيار باسورد قوي وصعب التخمين

من طرف الادارة الخميس يوليو 30, 2009 2:11 am

بسم الله الرحمن الرحيم

السلام عليكم ورحمة الله وبركاته

صاكم الله بالخير والرضا ,, شحوالكم يا شباب وشابات
اليوم الرمسه عن الباسوردات وكيف نكون لنا باسورد قوي يصعب على المتطفلين اكتشافه

خلونا نجيب طاري شروط الباسورد القوي بالأول

جيب لك ورقة وقلم اوكتب هالشروط عندك مابيك تنساهم ابدا ابدا

· باسورد مكون من 6 خانات او اكثر

· باسورد مركب من حروف وارقام ورموز

· باسورد يصعب تخمينه ولا يتعلق بصاحب الباسورد ( بشرحها كيف بعد شوي )
· باسورد سهل بالنسبه لصاحبه ولا يسناه

طبعا كانه الشرطين الاخيريين يتضاربون مع بعض لكن الحين ابين لكم الفكره اكثر

خلونا الحين في الاسلوب الاول من التعامل مع انتاج باسورد
الاسلوب الاول ( اخذ الحرف الاول من جملة تتردد عليك دائما )

المثال
I am Mustafa I am 22 years old

مثلا انا عندي هالجمله هادي ما انساها طول عمري لانها بسيطه
خلونا نكون باسورد عليها

!@M1att70
وش رايكم ؟
خلونا نفصفصها عشان نعرف من وين جبنا كل هالكلام
احنا اخدنا اول حرف من كل كلمة صح يعني اخدنا الحروف هاذي
IaMIa22yo
وباسوردنا كان
!@M1att70
ولكن غيرنا فيها شوي خلونا نشوف
! = I
@ = a
M = M
I = 1
a = a
22 = tt === twenty tow
7 = y لانه الواي تشبه السبعه بالعربي تقريبا
0 = o
الاوه غيرنااها الى صفر

السؤال يطرح نفسه : هال هالباسورد يوفر كل الشروط المطلوبة؟
مكون من سته حروف او اكثر ؟ نعم
مركب من حروف وارقام ورموز ؟ نعم
يصعب تخمينه ؟؟ نعم
سهل بالنسبه لي ولا انساه ؟؟ نعم ولو نسيته اقدر اكتب الكلام على ورقه واتذكره من جديد

انزين فيه طريقه يقولون عنها اوكي لكن ما احبذها اصلا ولا توافق الشروح

مثلا اسمي مصطفى اروح احول الكيبورد انجليزي واكتبها
وبتكون
Lw'tn
رموز اوكي وكل شي لكن سهل تخمينها اكيد الواحد لما بيخمن باسورد احد بيبتدي باسمه برقم سيارته برقم جواله والاشياء والمعلومات اللي تحول على نفس الشخص

وفيه أساليب كثيره لخلق باسورد معقده

[ندعوك للتسجيل في المنتدى أو التعريف بنفسك لمعاينة هذه الصورة]اتمنى انكم استفدتوا من الموضوع ولكم اجمل تحياتي[ندعوك للتسجيل في المنتدى أو التعريف بنفسك لمعاينة هذه الصورة]

من طرف يوسف الإثنين أغسطس 10, 2009 5:10 pm

شكراً على الموضوع الرائع

كيفية اختيار باسورد قوي وصعب التخمين

كيفية اختيار باسورد قوي وصعب التخمين

رد: كيفية اختيار باسورد قوي وصعب التخمين